!!!Copyright © Text & Musik bei Markus Hackl!!!

De Anzige

 

Sie is so wia a Hittn

wo ma durch Zufoi eineschneibt.

Ihr Art ziagt di üwan Tisch

so dass‘d auf ewig sitzen bleibst.

Wann‘s locht dann is des Summa,

wo ma vua Hitz ganz depad wird.

Wann‘s want dann is des Winta,

wo an ois dafriat.

 

Sie is de Anzige fia mi

 

Wann‘s is dann hoits di fest

ois dat de Wöd grod untageh‘.

Sie losst di los wanns‘t as brauchst

ois kunnts des ollas vasteh‘.

 

Sie is de Anzige fia mi

 

Sie is a Tankstö fois da Sprit ausgeht.

Sie is a Schirm fois moi regnt.

Sie is hoat wia da Felsen

und sanft wia da Schnee.

 

I waß ned wos es is 

warum i goa so depad bin, 

dass i oiweu vagiss,

do g‘hea i hin.

 

 

Sie is de Anzige fia mi


De Wöd

 

De Wöd is ungerecht zumindast do bei uns
jetzt hot ma scho wieda wer in meine schenan Rosen brunzt s'dritte moi in dera Wochen so wird des nie wos sein
so werd i niemois besta Rosenzüchta vom Kleingärtnerverein Wahrscheinlich woas da Netrofal mei greßta Konkurrent
dea schaut imma so neidisch wann a mit da Gattin sonntags rennt dabei hot grod da Netrofal scho zwa Preise daham
längste Tuip‘n schenste Tujen und jetzt mecht a d'Rosen ham

 

De Wöd is kla zumindest do bei mir
triff i gestan Obend unsan oiden Nochtportier
de woit in da Pensi noch Amerika des waß i nu genau
weit is a ned kumma grod amoi bis Stockerau
Dabei woa unsa Nochtportier da ollagreßte Fan
von d'Amerikanischen Westler a Experte in John Wayne
hot olle Szenen genau kennt beschreibt detailgenau jed's Büd nau domois in da Nocht hams in Fernseha nix anders gspüt

 

 

De Wöd is sche zumindest do bei Dia
wann i mi des x-te moi in deine blauen Augn valia
wann i auf rosarote Woikn steig und drüwaziag üwa meine Suagn und de ganz afoch Pause ham zumindast moi bis Muagn
In so an Moment fühl i mi wia da John Wayne
do genügt allan mein Blick dass mei Gegna Schiss kriagt und rennt
und wann i di dann ohoi wann de Sunn sie scho vatschüsst
und mia reiten mitanaunda wohinst a imma wüst


Nuasch (Dusch Tschick & Bier)

 

Da Wind hat mi vablosen in irgend so a Loch

da Regn hot mi an Land gschwabt ois anzigen Gost

owa i leb nu jo i leb nu

 

Stoa in de Nocht durch zwa Scheinwerfaaugn

siach die Büd üwaroi heast des kannst ma glauben

owa i wü nu jo  i wü nu

 

A toter Hund im Strossengrob’n 

nau jo wird hoit ned aufpasst ham

owa i leb nu jo i leb nu

 

Im Radio spün’s unsa Liad

Jessas Madl bin i miad

i wü nu jo  i wü nu

 

I kumm vo Nuasch üwa Mugl Senning und jetzt des do dahea

is so ziemlich ois oasch grennt wos irgendwie geht

foa üwa Schleichweg fois d’He irgendwo steht

und i gfrei mi auf a Dusch Tschick und Bier

und a Lochn vo dia i wü nu

 

Hob a boa Staungan Tschick aus Bemanam Rücksitz liegn

und a Schüdl von an Autostoppa dea woit unbedingt noch Wien

na bitte mia sois recht sei

 

Gengan Abend is imma oascha woan da Tankwart schaut mi au 

Wos soweit wüst heut nu foan

na bitte jeda wiara glaubt

 

 

I kumm vo Nuasch ...

 

Endlos Mia Zwa

 

Kumm steig ei wos kenntast bessas vuahab‘n.

I hob heit Bock drauf und da Tank wa grod voi.

I lod di ei mia zwa werdn heit nu fuatfoan.

Jetzt spring scho auf und frog ned lang was des soi.

 

I mog jo do ned grod da Schenste sein.

Hab‘ vielleicht ned des meiste Göd.

Owa i hab‘ Fantasie 

und des is ollas wos heit zöht.

 

Kumm mia foan wia sunst nua im Kino.

Wia in de Füm aus Amerika.

Endlos weit wo kana uns aufhoit,

endlos schnö und endlos mia zwa.

 

Shanananananana endlos mia zwa

 

I kenn a Hittn ned weit von do

de steht mittn in an Föd.

Do kummst a Fua foast wia in Mexiko

und a des Chilli is duat Wöd.

 

Do spüns Musik wia sunst nua im Kino.

Wia in de Füm aus Amerika.

Endlos schnö und endlos gfährlich

endlos laut und endlos mia zwa.

 

Shanananananana endlos mia zwa

 

Des wird a Nocht wia sunst nua im Kino.

Wia in de Füm aus Amerika.

Endlos Stern und endlos lau

endlos weit und endlos mia zwa.

 

 

Shanananananana endlos mia zwa


Glaubst ned

 

Heast du bist ma echt ned wuascht du bist ma nimmamehr egal

und so wia du die eilosst des is boid nimmamehr normal

mia zwa san grod a Wochen oid und ham uns ois varoten wos gibt

mia zwa san grod a Wochen oid und moch‘n imma nu auf schwa valiebt

 

Glaubst ned dass des geht Glaubst ned dass des geht Glaubst ned dass des geht Glaubst as ned

 

Fia uns zwa gibts ka Telefon ka Klopfen bringt uns mehr ausn Bett

uns is a ziemlich wuascht wos ma im Stiagenhaus so redt

mia zwa san grod a Wochen oid und ham nu vü mit uns vua

mia zwa san grod a Wochen oid und ham nu lang ned von uns gnua

 

Glaubst ned dass des geht...

 

Heast i waß ned wos is los mit mia

dass ma ka Äuk ned schmeckt 

dass ma da Schmäh ausgeht

und des ollas wegen dir

 

Da Hausmasta leit aun da Tia und mahnt es warat wengan Zins

du mochst eam auf in da Haundtiachlschoin er steht nua do und grinst

mahnt wos is‘n do passiert heast wos is aus dem plötzlich wuan

zwinkat ma zua wia a se umdraht und geht weu da Zins hot Zeit bis muagn

 

 

Glaubst ned dass des geht...


!!!Copyright © Text & Musik bei Markus Hackl!!!